به‌پێی هه‌واڵی کوردپرێس، ڕۆژی شه‌ممه 6ی تشرینی یه‌که‌می 2018 د. به‌رهه‌م سه‌رۆک کۆمارى عێراق له کۆشکی سه‌لام له به‌غدا پێشوازی کرد له دکتۆر خزه‌یه‌ر خوزاعی جێگری پێشووتری سه‌رۆک کۆمار و سه‌رۆکی مه‌کته‌بی سیاسیی پارتی دوعاتولئیسلام- ڕێکخستنی عێراق.
له دیدارێكدا خوزاعی پیرۆزباییی گه‌رمی خۆی ده‌ربڕی بۆ سه‌رۆک به‌رهه‌م ساڵح به بۆنه‌ی وه‌رگرتنی پۆستی سه‌رۆک کۆمار و داوای سه‌رکه‌وتنی بۆ سه‌رۆک به‌رهه‌م ساڵح کرد له ڕاپه‌ڕاندنی ئه‌رکه‌کانیدا.
هه‌روه‌ها هه‌وڵه‌کانی پێکهێنانی حکوومه‌تی نوێ تاوتوێ کرا و ته‌ئکیدیش کرایه‌وه له‌سه‌ر گرنگیی پێکهێنانی حکوومه‌تێک که خواسته‌کانی گه‌لی عێراق به‌دی بێنێت.
سه‌رۆک کۆمار ستایش و سوپاسگوزاری خۆی ده‌ربڕی بۆ دکتۆر خوزاعی له به‌رامبه‌ر سه‌ردانه‌که‌ی و هه‌ڵوێستی نیشتیمانپه‌روه‌رانه‌ی به‌رامبه‌ر هه‌موو ڕۆڵه‌کانی عێراق و په‌رۆشی له‌سه‌ر پێکه‌وه‌ژیانی ئاشتییانه له نێوان هه‌موو پێکهاته‌کاندا.
سه‌رچاوه: خه‌ندان
کۆدی هه‌واڵنێر: 60103
Your Comment