به‌پێی هه‌واڵی کوردپرێس، ڕۆژی شه‌ممه‌ 6ی تشرینی یه‌که‌می 2018 د. به‌رهه‌م ساڵح سه‌رۆک كۆمار له‌ كۆشكی سه‌لام له‌ به‌غدا پێشوازی كرد له‌ د. سه‌لیم جبووری سه‌رۆكی پێشووی ئه‌نجومه‌نی نوێنه‌ران و له‌ كۆبوونه‌وه‌كه‌دا سه‌رۆک كۆمارى عێراق په‌یڕ‌ه‌وكردنی دیموكراسیی له‌ ئه‌نجومه‌نی نوێنه‌ران و پاراستنی پره‌نسیپی ده‌ستاوده‌ست كردنی به‌ ئاشتیی ده‌سه‌ڵاتی به‌رز نرخاند و ستایشی هه‌وڵه‌كانی خولی پێشووی ئه‌نجومه‌نی نوێنه‌رانیشی كرد له‌ به‌هێز كردنی یه‌كڕ‌یزیی نیشتمانی و پارێزگاری كردن له‌ ده‌ستكه‌وته‌ نیشتمانییه‌كان و پرۆسه‌ی سیاسیی، سه‌رباری هه‌ڵسه‌نگاندنه‌كانی و چاودێری كردنی كاره‌كانی حكوومه‌ت.

سه‌لیم جبوورییش لای خۆیه‌وه‌ پیرۆزبایی خۆی نوێ كرده‌وه‌ بۆ سه‌رۆک به‌رهه‌م ساڵح به‌ بۆنه‌ی به‌ فه‌رمى ده‌ستبه‌كاربوونی له‌ ئه‌ركه‌كانی سه‌رۆكایه‌تیی كۆماردا و داوای سه‌ركه‌وتنی بۆ كرد له‌ ڕوانینه‌كانیدا بۆ به‌هێزكردنی یه‌كێتیی عێراقییه‌كان و پاراستنی مافه‌ ده‌ستوورییه‌كانیان.

سه‌رچاوه‌: خه‌ندان

کۆدی هه‌واڵنێر: 60103