به‌پێی هه‌واڵی کوردپرێس، غیاس سوورچی به هه‌واڵده‌ریی مه‌علوومه‌ی ڕاگه‌یاند که ناکۆکییه‌کانی نێوان دوو حیزبی پارتی و یه‌کێتی له‌باره‌ی ناساندنی یه‌ک کاندید بۆ پۆستی سه‌رۆک کۆماری عێراق درێژه‌ی هه‌یه.
ناوبراو گوتیشی: پارتی و یه‌کێتی له کۆبوونه‌وه‌ی ئه‌مڕۆ سێشه‌ممه 2ی تشرینی یه‌که‌می ئه‌نجومه‌نی نوێنه‌ران ئاماده ده‌بن و کاندیده‌کانیان به په‌رله‌مان ده‌ناسێنن.
شایانی باسه که ڕۆژی دووشه‌ممه 1ی تشرینی یه‌که‌م ئه‌یمه‌ن شمری نوێنه‌ری هاوپه‌یمانیی سائیروون ڕای‌گه‌یاندبوو که پرسی به‌ربژێری به‌رهه‌م ساڵح بۆ وه‌رگرتنی پۆستی سه‌رکۆماری عێراق یه‌کلا بۆته‌وه و په‌رله‌مان له کۆبوونه‌وه‌ی ڕۆژی سێشه‌ممه‌دا سه‌ڵاحییه‌تی به‌رهه‌م ساڵح پشتڕاست ده‌کاته‌وه.
کۆدی هه‌واڵنێر: 60103
Your Comment