به‌پێی هه‌واڵی کوردپرێس، محه‌مه‌د حاجى عومه‌ر به‌رپرسى كۆمیته‌ى قه‌ره‌ته‌په‌ى یه‌كێتى ده‌ڵێت: چه‌كدارانى داعش ده‌ستیان به‌جموجووڵ كردوووه و ترس و نیگه‌رانییان بۆ هاووڵاتییانى سنوورى ناحیه‌ى قه‌ره‌ته‌په دروست كردوووه و شه‌وى 30ی ئه‌یلوولیش دوو هاوه‌نیان ئاڕاسته‌ى قه‌ره‌ته‌په كردوووه و هاوكات خانووی كارمه‌ندێكى به‌ڕێوبه‌رایه‌تىی پۆلیسى قه‌ره‌ته‌په‌یان ته‌قاندۆته‌وه و به‌هۆى زیادبوونى جموجووڵه‌كانی چه‌كداره‌كانیش گوندێكى ئه‌و سنووره چۆڵ كراوه.
به‌رپرسه‌كه‌ى یه‌كێتى ئاماژه‌ى بۆ ئه‌وه‌ش كرد که تا ئێستا حكوومه‌تى عیراق نه‌یتوانیوه سنوورى ناحیه‌ى قه‌ره‌ته‌په كۆنترۆڵ بكات و سه‌قامگیرى و ئاسایشى ئه‌و سنووره وه‌ک پێویست بپارێزێت بۆیه داعش له سه‌رجه‌م گونده‌كاندا باڵاده‌سته و كه‌س ناتوانێت ڕێگری لێبكات.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment