به‌پێی هه‌واڵی کوردپرێس، نووسینگه‌ی ڕاگه‌یاندنی سه‌رۆكی په‌رله‌مانی عێراق له ڕاگه‌یه‌ندراوێكدا ڕای‌گه‌یاندوووه که ڕۆژی دووشه‌ممه 1ی تشرینی یه‌که‌م محه‌مه‌د حه‌لبووسی و برێت مه‌كگۆرک كۆ بوونه‌ته‌وه و باسیان له چۆنێتیی به‌رده‌وامیدان به ھه‌ماھه‌نگیی نێوان عێراق و ئه‌مریكا كردوووه.
هه‌روه‌ها رایگه‌یاندوووه له كۆبوونه‌وه‌كه‌دا دۆخی سیاسیی عێراق تاوتوێ كراوه و حه‌لبووسی جه‌ختی كردوووه‌ته‌وه له‌سه‌ر گرنگی پابه‌ندبوون به واده‌ی ده‌ستووری بۆ پێكهێنانی حكوومه‌تی عێراق و یه‌كلایی كردنه‌وه‌ی پۆسته‌كان.
نووسینگه‌ی ڕاگه‌یاندنی سه‌رۆكی په‌رله‌مانی عێراق راشیگه‌یاندوووه که برێت مه‌كگۆرگ لای خۆیه‌وه ته‌ئكیدی كردوووه‌ته‌وه له‌سه‌ر به‌رده‌وامیی پشتیوانی كردنی عێراق .
کۆبوونه‌وه‌ی نێوان حه‌لبووسی و مه‌کگۆرک پێش کۆبوونه‌وه‌ی په‌رله‌مانی عێراق ئه‌نجام درا که بڕیار بوو ڕۆژی دووشه‌ممه 1ی تشرینی یه‌که‌م به‌ڕێوه بچێت به‌ڵام بۆ ئه‌مڕۆ دواخرا.
سه‌رچاوه: شارپرێس
کۆدی هه‌واڵنێر: 60103
Your Comment