به‌پێی هه‌واڵی کوردپرێس، دانه‌غاز له به‌یاننامه‌یێكدا له پێگه‌ى فه‌رمیی خۆی بڵاوی كردوووه‌ته‌وه که "به‌شێكی‌تر پاره‌ى كاشمان له هه‌رێمى كوردستانى وه‌رگرتوووه كه بڕه‌كه‌ى 59 ملیۆن و 500 هه‌زار دۆلاره و به‌وه‌ش كۆى پاره‌ى وه‌رگیراو تا ئێستا 119 ملیۆن و 700 هه‌زار دۆلاره".
كۆمپانیاكه ئاماژه‌ى به‌وه‌ش كردوووه که هیچ دواكه‌وتنێک له شایسته‌دارایییه‌كاندا بوونى نییه و به شێوه‌یێكى ڕێكخراو سه‌رجه‌م ئه‌و شایسته‌دارایییانه وه‌رده‌گرن.
به‌پێى ئه‌و زانیاریانه‌ى دانه‌غاز بڵاوی كردۆته‌وه ئه‌و بڕه پاره‌یه‌ش له چوارچێوه‌ى ئه‌و ده‌ستكه‌وته‌دایه كه ئیئتلافى پێرل پترۆڵیۆم به‌ده‌ستى هێناوه كه دانه‌غاز خاوه‌نى %35ی پشكه‌كانى ئه‌و ئیئتلافه‌یه و 35%ی بۆ كۆمپانیاى نه‌وتى هیلاله و چه‌ند كۆمپانیایێكى‌تریش هه‌ریه‌کیان 10%ی پشكه‌كانیان هه‌یه، بڕى ئه‌و ده‌ستكه‌وته‌ش كه له‌لاى هه‌رێمى كوردستان 400 ملیۆن دۆلاره و به‌پێى ڕێککه‌وتنێک كه ساڵى 2017 واژۆ كراوه حكوومه‌تى هه‌رێم ئه‌و پاره‌یه‌ى داوه به ئیئتلافى پێرل پترۆڵیۆم و له بانكى ئه‌و ئیئتلافه‌دایه بۆ په‌ره‌پێدانى كێڵگه‌ى خورموز و زیادكردنى وه‌به‌رهێنانى.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment