کوردپرێس:

ئاژانسی مەعلوومەی عێراق لە زاری ئەمین بەکرەوە نووسیویەتی بزووتنەوەی گۆڕان کۆمەڵێک بەڵگەی بەدەستەوەیە کە دەیسەلمێنێت پارتی و یەکێتی وەکو دوو حیزبی باڵادەستی هەرێمی کوردستان لە هەڵبژاردنی پەڕلەمانی کوردستاندا بە قازانجی خۆیان ساختەکارییان کردووە.

ئەمین بەکر گوتیشی: دابەزینی ڕێژەی بەشداریی هاووڵاتییانی هەرێمی کوردستان دەلالەتە لە سەر بێ هیوا بوونی جەماوەری کوردستان و هۆکارەکەشی دەگەڕێتەوە بۆ حوکمڕانیی دوو حیزبی پارتی و یەکێتی لە هەرێم.

ناوبراو جەختیشی کردۆتەوە کە ئەو دوو حیزبە کوردستانییە هێزی پێشمەرگەیان بەکار هێناوە بۆ ئەوەی بە قازانجی خۆیان دەنگ کۆ بکەنەوە.