کوردپرێس:

سروە عەبدولواحید نوێنەری پێشووی گۆڕان لە پەڕلەمانی عێراق کە ئێستا خۆی بۆ پۆستی سەرۆککۆماری عێراق کاندید کردووە لە تۆڕی کۆمەڵایەتیی تویتەر تویتێکی بڵاو کردووەتەوە و تێیدا نووسیویەتی: گوشارم خراوەتە سەر و هەڕەشەم لێ کراوە بەڵام بڕیاری خۆ کاندید کردنی من لەلای هیچ حیزبێکی سیاسیی عێراق دەرنەکراوە و دیارە لە بەر فشار و هەڕەشەش لەو بڕیارەم ناکشێمەوە.

ناوبراو زیادی کرد: پێشتریش هەڕەشەی وام لێ کراوە بەڵام ئەوە نەبۆتە هۆی ئەوەی من لە هەڵوێستی خۆم پاشگەز ببمەوە.