کوردپرێس:
عەلی تەمیمی یاساناسێکی عێراقییە و لەو بارەیەوە بە ئاژانسی هەواڵی مەعلوومەی عێراقی وتووە دەبێت سەرۆککۆماری عێراق کار بۆ یەکڕیزی و یەکپارچەییی عێراق بکات و ڕێگری بکات لە دابەشبوونی وڵات و ئەندام پەڕلەمانەکانی پەڕلەمانی عێراقیش مافی ئەوەیان هەیە سەڵاحیەتی ئەو کەسانە ڕەت بکەنەوە کە ساڵی ڕابردوو لە ڕیفراندۆمەکەی هەرێمی کوردستان بەشدارییان کرد و ئێستاش خۆیان بۆ پۆستی سەرۆککۆمار کاندید کردووە.
تەمیمی زیادی کرد: یەک لە مەرجە سەرەکییەکان بۆ کاندیدی سەرۆککۆماری عێراق ئەوەیە پێبەند بێت بە دەستووری عێراق و پارێزگاری کردن لە یەکڕیزی و یەکپارچەییی خاکی عێراق بۆیەش پەڕلەمان دەتوانێ لە ڕێگای ئەو کۆتلەیەی بۆ گشتپرسییەکەی هەرێمی کوردستان پێک هێنراوە سەڵاحییەتی ئەو کاندیدانە ڕەت بکاتەوە کە بەشداریی ڕیفراندۆمیان کردبوو و ئێستاش خۆیان بۆ پۆستی سەرۆککۆمار کاندید کردووە.
ئەو یاساناسە دەشڵێت: ئەگەر کەسێکیش ناوی بۆ پۆستی سەرۆککۆماری عێراق ڕەت کرایەوە ئەوا سێ ڕۆژ ماوەی دەبێت لای دادگای باڵای فیدراڵی عێراق سکاڵا تۆمار بکات.
Your Comment