بەپێی هەواڵی کوردپرێس، دوای به‌شداری كردن له كۆبوونه‌وه‌ی وه‌زیرانی ده‌ره‌وه‌ی توركیا-رۆمانیا-پۆڵه‌ندا له بوخارست پایته‌ختی رۆمانیا، وه‌زیری ده‌ره‌وه‌ی توركیا، له‌گه‌ڵ وه‌زیری ده‌ره‌وه‌ی رۆمانیا، تیۆدۆر مه‌له‌سكانو و وه‌زیری ده‌ره‌وه‌ی پۆڵه‌ندا، جاسیک چاپوتۆڤیچ كۆنگره‌یێكی رۆژنامه‌وانیی ئه‌نجام دا.
چاوشئۆغڵو ئاماژه‌ی به‌وه دا كه هه‌موو كه‌س گرنگی به ره‌وشی سووریا ده‌دات و له‌گه‌ڵ ئه‌و وڵاتانه كار ده‌كه‌ن كه دیدگایێكی وەک یه‌كیان هه‌یه.
چاوشئۆغڵو گوتیشی: "ئه‌گه‌ر له‌باره‌ی سووریاوه به‌ره‌وپێشچوونی جیددی روو نه‌دات بۆ گه‌یشتن به بژارده‌ی سیاسی هه‌وڵی جیددیمان داوە له ئاستانا و سۆچی و له تاران بۆ پێشگرتن له كۆمه‌ڵكوژی كۆ بووینه‌وه.
چاوشئۆغڵو جه‌ختی له‌سه‌ر ئه‌وه كرده‌وه كه ئاماده‌ن له سووریادا له‌گه‌ڵ رووسیا، ئێران، ئه‌مریكا، فه‌ڕه‌نسا و به‌ریتانیا و هه‌موو هاوبه‌شه‌كانی دیكه‌دا كار بكه‌ن و رایگه‌یاند كه وه‌ک توركیا له پێناو كۆتایی هێنان به ره‌وشی سووریا و دۆزینه‌وه‌ی چاره‌سه‌رێكی ئاشتییانه كاری دووقۆڵی و سێقۆڵیان له‌گه‌ڵ هه‌مووان كردووه به‌تایبه‌تی له‌گه‌ڵ ڕووسیا و ئێران.
وه‌زیری ده‌ره‌وه‌ی توركیا جه‌ختی له‌سه‌ر ئه‌وه كرده‌وه كه پشتیوانی له یه‌كپارچه‌یی خاكی سووریا ده‌كه‌ن و گوتی: "به‌ڵام كوشتنی كه‌سانی بێ تاوان، ژنان و منداڵان شێوازی ده‌سته‌به‌ركردنی یه‌ك پارچه‌یی خاكی سووریا نییه".
سەرچاوە: هەواڵدەریی سپۆتنیک
کۆدی هەواڵنێر: 60113
Your Comment