به‌پێی هه‌واڵی کوردپرێس، ماڵپه‌ڕی مه‌وازین نیوز له‌سه‌ر زاری په‌رله‌مانتارێكی هاوپه‌یمانێتی سائیروون سه‌ر به ڕه‌وتی سه‌در بڵاوی كردۆته‌وه که به‌م زووانه ڕووداوێكی سیاسیی ڕوو ده‌دات كه پێكهێنانی گه‌وره‌ترین كوتله‌ی په‌رله‌مانی و دیاری كردنی سێ سه‌رۆكایه‌تییه‌كه‌ی عێراقی لێده‌كه‌وێته‌وه.
ئه‌و په‌رله‌مانتاره كه ناوی نه‌هێنراوه ئاماژه‌ی به‌وه‌ش كردوووه هه‌ریه‌ک له لیسته‌كانی سائیروون، فه‌تح، حیكمه، وه‌ته‌نییه و یه‌كێتیی هێزه‌كان گه‌یشتوونه‌ته ڕێككه‌وتنی كۆتایی بۆ پێكهێنانی گه‌وره‌ترین كوتله‌ی په‌رله‌مانی و پێكهێنانی كابینه‌ی نوێی حكوومه‌ت.
ئه‌و په‌رله‌مانتاره‌ی ڕه‌وتی سه‌در ئاشكراشی كرد که گه‌وره‌ترین كوتله، لایه‌نه كوردییه‌كانیش له‌خۆ ده‌گرێت و ڕێككه‌وتنیش كراوه له‌سه‌ر دیاری كردنی سێ سه‌رۆكایه‌تییه‌كه‌ی عێراق و له پێكهێنانی حكوومه‌تی نوێی عێراقدا نووری مالیكی و حه‌یده‌ر عه‌بادی چانسی وه‌رگرتنی پۆستی سه‌رۆک وه‌زیرانیان نابێت.
سه‌رچاوه: تۆڕی هه‌واڵی سلێمانی (SNN)
کۆدی هه‌واڵنێر: 60103
Your Comment