به‌پێی هه‌واڵی کوردپرێس، عه‌مید یه‌حیا ڕه‌سووڵ وته‌بێژی فه‌رمانده‌ییی ئۆپه‌راسیۆنه هاوبه‌شه‌كان له به‌یاننامه‌یێكدا ڕای‌گه‌یاندوووه بڕیار دراوه به له‌كارلادانی جه‌میل شه‌ممه‌ری له ئه‌ركه‌كه‌ی و دانانی فه‌ریق ڕه‌شید فله‌یح به فه‌رمانده‌ی ئۆپه‌راسیۆنی به‌سره.
هاوكات سه‌رچاوه‌یێک ڕای‌گه‌یاند که بڕیار دراوه به دوورخستنه‌وه‌ی لیوا روكن جاسم ئه‌لسعه‌دی فه‌رمانده‌ی پۆلیسی به‌سره له ئه‌ركه‌كه‌ی.
سه‌رچاوه‌كه ڕاشی‌گه‌یاند: بڕیاری دوورخستنه‌وه و له‌كارلادانی فه‌رمانده‌ی ئۆپه‌راسیۆنه‌كانی به‌سره و فه‌رمانده‌ی پۆلیسی به‌سره له چوارچێوه‌ی ئه‌و ڕێكارانه‌دایه كه له‌سه‌ر ڕاسپارده‌ی حه‌یده‌ر عه‌بادی سه‌رۆكوزه‌یرانی عێراق گیراونه‌ته‌به‌ر و ئه‌و فه‌رمانده و ئه‌فسه‌رانه ڕه‌وانه‌ی لێكۆڵینه‌وه كراون به‌هۆی ڕووداوه‌كانی چه‌ند ڕۆژی ڕابردووی پارێزگای به‌سره.
ڕۆژی شه‌ممه 8ی ئه‌یلوول حه‌یده‌ر عه‌بادی سه‌رۆک وزه‌یرانی عێراق بڕیاری دا به ڕه‌وانه‌كردنی به‌رپرسانی سه‌ربازی و ئه‌منی بۆ لێكۆڵینه‌وه و كه‌مته‌رخه‌مییان له پارێزگاریی نه‌كردن له فه‌رمانگه حكوومییه‌كان و باڵه‌خانه‌ی كۆنسووڵخانه‌ی ئێران له شاری به‌سره دوای ئه‌وه‌ی له میانی خۆپیشاندانه‌كانی ڕۆژی هه‌ینیدا له‌لایه‌ن خۆپیشانده‌رانه‌وه سووتێنران.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment