به‌پێی هه‌واڵی کوردپرێس، ئه‌یاد عه‌لاوی سه‌رۆكی ھاوپه‌یمانی وه‌ته‌نییه له‌ توویتیێكدا له‌ ھه‌ژماری تایبه‌تی خۆی له‌ تۆڕی كۆمه‌ڵایه‌تیی توویته‌ر داوای له‌ ھه‌ر دوو ھاوپه‌یمانێتیی بونیادنانه‌وه‌ و چاكسازی و بنیاتنانه‌وه‌ و كوتله‌ كوردستانییه‌كان كرد بۆ ده‌ربازبوون له‌م دۆخه‌ سیاسییه‌ی عێراق تێی كه‌وتووه‌ كۆبوونه‌وه‌یێک بكرێت.

عه‌لاوی نوسیوویه‌تی: مه‌به‌ستی كۆبوونه‌وه‌كه‌ بۆ ڕێككه‌وتنه‌ له‌سه‌ر چۆنیه‌تی و شێوازی حكوومه‌تی داھاتوو له‌ پێناو سه‌قامگیریی وڵات.

عه‌لاوی ئه‌وه‌شی خستۆته‌ڕوو بێده‌نگی و چاوپۆشین له‌ چاره‌سه‌رنه‌كردنی كێشه‌كانی به‌سره‌ ده‌رئه‌نجامی خراپ و ترسناكی ده‌بێت به‌تایبه‌ت له‌م قۆناغه‌ قورسه‌ی كه‌ عێراقی پیادا تێپه‌ڕ ده‌بێت و ئاماژه‌شی به‌وه ‌كردوووه‌ دۆخی به‌سره‌ تا دێت خراپتر ده‌بێت و چاوه‌ڕوانی بڕیاری جه‌ریئانه ‌و ئازایانه‌یه‌ بۆ ئه‌وه‌ی دووباره‌ ئارامی بۆ بگه‌ڕێته‌وه‌.

شه‌وی چوارشه‌ممه‌ 5ی ئه‌یلوول دۆخی ئه‌منیی شاری به‌سره‌ ئاڵۆزی تێكه‌وت و به‌و هۆیه‌وه‌ پێنج كه‌س كوژران و زیاتر له‌ 70 كه‌سیش بریندار بوون.

سه‌رچاوه‌: Kurdistan TV

کۆدی هه‌واڵنێر: 60103