به‌پێی هه‌واڵی کوردپرێس، له ئێستادا باس له‌وه ده‌کرێت گوایه ناکۆکی که‌وتۆته نێوان وه‌فده ھاوبه‌شه‌که‌ی یه‌کێتی و پارتی که له چه‌ند ڕۆژی ڕابردوودا سه‌ردانی به‌غدایان کرد و له‌وباره‌یه‌وه سه‌عدی ئه‌حمه‌د پیره وته‌بێژی یه‌کێتی به SNNی ڕاگه‌یاند: "ھیچ شتێک له نێوان وه‌فده ھاوبه‌شه‌که‌ی یه‌کێتی و پارتیدا ڕووی نه‌داوه، باشترین په‌یوه‌ندیشمان له شێوازی ئه‌داوه ھه‌بوووه و وه‌ک یه‌ک تیم له به‌غدا کارمان کردوووه."
ناوبراو وتیشی: "ته‌نانه‌ت وه‌ک وه‌فدی حزبیش کارمان نه‌کردوووه به‌ڵکوو وه‌ک وه‌فدی ھه‌رێمی کوردستان له به‌غدا بووین."
سه‌عدی ئه‌حمه‌د پیره سه‌باره‌ت به‌وه‌ی ئاخۆ بۆچی یه‌کێتی و پارتی نه‌چوونه‌ته ناو ئه‌و ھاوپه‌یمانێتییانه‌ی که ڕاگه‌یه‌ندراوه به‌تایبه‌ت که ئێستا ده‌وڵه‌تی یاسا و فه‌تح کار له‌سه‌ر ڕاگه‌یاندنی گه‌وره‌ترین کوتله‌ی په‌رله‌مانی ده‌که‌ن وتی: "له‌به‌ر ئه‌وه‌ی ئه‌و ھاوپه‌یمانێتییه له نێوان ئه‌مریکا و ئێراندایه بۆیه بچینه ناو ھه‌ر یه‌کێکیان ئه‌وه‌ی‌تریان ده‌که‌ینه دژی خۆمان."
پیره سه‌باره‌ت به یه‌کلابوونه‌وه‌شیان بۆ بڕیاری کۆتایی ته‌ئکیدی کرده‌وه: "ھه‌ر دوو مه‌کته‌بی سیاسیی یه‌کێتی و پارتی گفتوگۆی یه‌کلاکه‌ره‌وه ئه‌نجام ده‌ده‌ن سه‌باره‌ت به چوونه نێو ئه‌و ھاوپه‌یمانێتییه‌ی حکوومه‌ت پێکده‌ھێنێت."
کۆدی هه‌واڵنێر: 60103
Your Comment