به‌پێی هه‌واڵی کورددپرێس، خه‌ليل حه‌يده‌رى به‌ڕێوبه‌رى گومرگى كرماشان ده‌ڵێت: قه‌باره‌ى هه‌نارده‌ى ئێران له ڕێگه‌ی کرماشانه‌وه بۆ عێراق گه‌يشتوووه‌ته 1.33 ته‌ن كاڵا.
ناوبراو گوتيشى: به ڕێژه‌ى 52% له ڕووى نرخ و به ڕێژه‌ى 27% له ڕووى جۆرايه‌تييه‌وه، به به‌راورد له‌گه‌ڵ هه‌مان ماوه‌ى ساڵى 2017، هه‌نارده‌ى كاڵاكان بۆ عێراق زيادی كردوووه.
خه‌لیل حه‌یده‌ری ڕوونيشی كرده‌وه: ده‌روازه گومرگييه‌كانى كرماشان له ئاستى ئێراندا له ڕووى هه‌نارده‌وه پله‌ى يه‌كه‌ميان به‌ركه‌وتوووه.
ناوبراو ئاماژه‌شى بۆ ئه‌وه كرد: هه‌نارده‌ى ئێرانى له ڕێى ده‌روازه گومرگييه‌كانه‌وه بريتی بوونه له: كه‌لوپه‌لى ناوماڵ، كه‌ره‌سته‌ى پاككه‌ره‌وه، ئامێره‌كانى فێنككه‌ره‌وه، كه‌ره‌سته‌ى پلاستيكى، هه‌ندێک له سه‌وزه و ميوه‌كان و په‌تاته و ته‌ماته.
سه‌رچاوه: هه‌واڵده‌ریی ئیرنا
کۆدی هه‌واڵنێر: 60103
Your Comment