به‌پێی هه‌واڵی کوردپرێس، ڕۆژی یه‌کشه‌ممه‌ 2ی ئه‌یلوول شاندی پارتی دیموكرات و یه‌كێتیی نیشتمانیی كوردستان له‌ به‌غدا گه‌یشتنه‌ ماڵی هادی عامری سه‌رۆكی لیستی فه‌تح به‌ مه‌به‌ستی گفتوگۆكردن له‌سه‌ر حكوومه‌تی داهاتوو.

شانده‌كه‌ له‌گه‌ڵ عامری دواپێشهاته‌ سیاسییه‌كان له‌سه‌ر گۆڕه‌پانی عێراق وه‌ک ڕێگه‌خۆشكردنێک بۆ پێكهێنانی حكوومه‌تی داهاتوویان تاوتوێ کرد.

ئه‌مه‌ش له‌ كاتێكدایه‌ پێشنیوه‌ڕۆی ڕۆژی 2-9-2018 شانده‌كه‌ی یه‌كێتی و پارتی له‌گه‌ڵ چه‌ند لایه‌نێكی دیكه‌ زنجیره‌یێک كۆبوونه‌وه‌یان ئه‌نجام دا.

شایانی باسه‌؛ شاندنی یه‌کێتی و پارتی ڕۆژی شه‌ممه 1ی ئه‌یلوول‌ گه‌یشته‌ به‌غدا و له‌گه‌ڵ فوئاد مه‌عسووم سه‌رۆک کۆماری عێراق کۆ بوونه‌وه‌.

سه‌رچاوه‌: Kurdistan TV

کۆدی هه‌واڵنێر: 60103