به‌پێی هه‌واڵی کوردپرێس، د. شۆڕش حاجی ئه‌ندامێكی خانه‌ی ڕاپه‌ڕاندنی بزووتنه‌وه‌ی گۆڕان ڕای‌گه‌یاند: ئه‌مڕۆ دووشه‌ممه 3ی ئه‌یلوول کاندیدە دەرچوووە ئازا و دڵسۆزەکانی گۆڕان له‌سه‌ر بڕیاری بزووتنه‌وه‌که‌یان به‌شدار نابن له سوێندخواردنی په‌رله‌مانتاره ده‌رچوووه‌کانی عێراق."
ناوبراو وتیشی: هۆکاری سه‌ره‌کی باوه‌ڕ نه‌بوونی ئێمه‌یه به ئه‌نجامه‌کانی هه‌ڵبژاردنه‌که و بوونی ئه‌و ته‌زویره گه‌وره‌یه‌یه که ئێمه وه‌ک گۆڕان هه‌موو شه‌قامی عێراقی و پرۆسه‌ی سیاسیمان لێخسته جموجۆڵ و دووباره ئێمه "تانه‌مان داوه له ئه‌نجامه‌کانی کۆتایی که بڕیار بوو کۆی سندوقه‌کان ئه‌ژمار بکرێنه‌وه نه‌ک ته‌نها هه‌ندێک سندوق."
ئه‌ندامه‌كه‌ی خانه‌ی ڕاپه‌ڕاندنی گۆڕان ئاماژه‌شی به‌وه کرد: هۆکارێکی دیکه ئه‌وه‌یه ئێمه ئاگاداری ئه‌و ئیتیفاقیه ژێربه‌ژێره نین که بۆ ئه‌مڕۆ کراوه له هه‌ڵبژاردنی سه‌رۆک و دوو جێگری سه‌رۆکی په‌رله‌مان و گۆڕانیش ناچێته ناو هاوکێشه‌یێکه‌وه به‌رژه‌وه‌ندییه نه‌ته‌وه‌یییه‌کانی گه‌لی کوردستانی تێدا ناڕوون بێت.
سه‌رچاوه: KNN
کۆدی هه‌واڵنێر: 60103
Your Comment