کوردپرێس:
بەپێی ڕاگەیێندراوی میدیا کوردییەکانی هەرێمی کوردستان ئێواره‌ی ڕۆژی چوارشه‌ممه ٢٩\٨\٢٠١٨، وه‌زیری ده‌ره‌وه‌ی ئه‌مه‌ریكا مایك پۆمپیۆ پێوه‌ندیی به مه‌سعوود بارزانییه‌وه كرد.
له‌و پێوه‌ندییه ته‌له‌فۆنییه‌دا كه بارودۆخی سیاسیی عێراق تاوتوێ كرا، وه‌زیری ده‌ره‌وه‌ی ئه‌مه‌ریكا ستایشی ڕۆڵی مه‌سعوود بارزانیی كرد له پڕۆسه‌ی سیاسیی عێراق له دوای هه‌ڵبژاردنه‌كانی ئه‌نجومه‌نی نوێنه‌ران و ئه‌و ڕۆڵه‌ی به گرینگ له‌قه‌ڵم دا، هه‌روه‌ها بیروڕا له‌باره‌ی دوایین پێشهاته سیاسییه‌كان و دانوستانه‌كانی نێوان لایه‌نه‌كان پێوه‌ست به دامه‌زراندنی حكوومه‌تی تازه‌ی عێراق ئاڵوگۆڕ كرا.
هاوكات ڕۆشنایی خرایه سه‌ر ئه‌وه‌ی كه چۆن له ماوه‌یێكی نزیكدا حكوومه‌تی تازه‌ی عێراق دابمه‌زرێ.
هه‌ر له‌و پێوه‌ندییه ته‌له‌فونییه‌دا، مەسعوود بارزانی و مایك پۆمپیۆ جه‌ختیان له به‌رده‌وامیی ڕاوێژ و پێوه‌ندییه‌كانی نێوان هه‌ردوو لا كرده‌وه.
کۆدی هەواڵنێر: 60101
Your Comment