به‌پێی هه‌واڵی کوردپرێس، عه‌بدولخالق ته‌ڵعه‌ت به ده‌نگی ئه‌مه‌ریكای ڕاگه‌یاندوووه: "دوای ڕووداوه تیرۆریستییه‌كه‌ی هه‌ولێر هه‌موو ئه‌وانه‌ی كه ده‌ستیان هه‌بوووه له كاره تیرۆریسته‌كه‌ی سه‌ر بینای پارێزگای هه‌ولێر هه‌موویان ده‌ستگیر كراون و په‌ڕاوی لێكۆڵینه‌وه‌یان لای ئاسایشه چوونكه ئه‌وه كارێكی تیرۆریستی بوو."
ناوبراو وتیشی: "چه‌ندین یادداشتمان داوه‌ته په‌رله‌مانی كوردستان تا حه‌سانه له‌سه‌ر سۆران عومه‌ر سه‌رۆكی لیژنه‌ی مافی مرۆڤ له په‌رله‌مانی كوردستان هه‌ڵبگرن به‌ڵام په‌رله‌مان وه‌ڵامی نه‌داوینه‌ته‌وه و هه‌ركات سیفه‌تی په‌رله‌مانتاری نه‌ما داوا ده‌كه‌ین سۆران عومه‌ر خۆی ڕاده‌ستی دادگا بكات چوونكه ده‌ستبه‌جێ ده‌ستگیری ده‌كه‌ین."
عه‌بدولخالق ته‌ڵعه‌ت ئاماژه‌ی به‌وه‌ش كردوووه: "ئه‌گه‌ر سه‌لیم شووشكه‌یی له هه‌ولێر ببینین ده‌ستگیریان ده‌كه‌ین به‌ڵام ئێستا نازانین له كوێیه و ته‌نها ئه‌وه ده‌زانین كه له سنووری ئێمه نه‌ماون."
سه‌رچاوه: خه‌ڵک
کۆدی هه‌واڵنێر: 60103
Your Comment