کوردپرێس- به گوێره‌ی زانیارییه بڵاوکراوه‌کان ته‌قه‌کردنه‌که له ده‌وروبه‌ری کاژێر 5:00ی سه‌رله‌به‌یانیی ئه‌مڕۆ دووشه‌ممه 20ی ئاب بوووه و ته‌قه‌که‌ره‌که‌ش له ناو ئۆتۆمبیلێکی سپیدا بوووه و دوای هێرشه‌که‌ش هه‌ڵاتوووه.
دوای ئه‌نجامدانی هێرشه‌که، هێزه‌کانی پۆلیس گه‌یشتنه ناوچه‌که به مه‌به‌ستی لێکۆڵینه‌وه به‌ڵام تاوه‌کوو ئێستا زانیاریی فه‌رمی ده‌رباره‌ی ئه‌نجامی لێکۆڵینه‌وه‌کانی پۆلیس رانه‌گه‌یێندراوه.
زانیارییه‌کان باس له‌وه ده‌کات که ئه‌و که‌سانه له نێو ئۆتۆمبێله‌وه ته‌قه‌یان له باڵیۆزخانه‌ی ئه‌مریکا له ئه‌نقه‌ره کردوووه و ئه‌م ته‌قه‌کردنه له کاتێکدایه ماوه‌ی چه‌ند هه‌فته‌یێکه ئاڵۆزی له په‌یوه‌ندییه‌کانی نێوان تورکیا و ئه‌مریکادا دروست بوووه.
له سه‌ره‌تای ئه‌م مانگه‌وه حکوومه‌تی ئه‌مریکا دوو هه‌نگاوی سزادانی به‌رامبه‌ر به تورکیا ناوه. یه‌که‌میان، سزادانی هه‌ر دوو وه‌زیرانی ناوخۆ و دادی تورکیا و دووه‌میشیان زیادکردنی باجی سه‌ر ئاسن و ئه‌له‌منیۆمی تورکیا بوووه و هه‌نگاوه‌کانی ئه‌مریکاش بوونه‌ته هۆی دابه‌زینی به‌های دراوی تورکیا.
سه‌رچاوه: ڕووداو
کۆدی هه‌واڵنێر: 60103
Your Comment