کوردپرێس- به‌پێی ئه‌و راگه‌یاندراوه‌ی له‌ وه‌زاره‌تی خه‌زێنه‌ و داراییی تورکیا بڵاو کراوه‌ته‌وه‌، له‌ میانی په‌یوه‌ندییه‌ ته‌له‌فۆنییه‌که‌ی به‌رات ئاڵبایراک و برونو لی مایه‌ر تاوتوێی پرسی ھه‌ماھه‌نگیی نێوان دوو وڵات و سزاکانی ئه‌مریکا به‌ سه‌ر تورکیادا کراوه‌.

ئاڵبایراک و لی مایه‌ر بڕیاری ھه‌ماھه‌نگییان به‌رامبه‌ر مامه‌ڵه‌کانی ئه‌م دواییه‌ی ئه‌مریکا ده‌رکردوووه‌.

له‌ به‌رامبه‌ر ئه‌مه‌ش ئاڵبایراک سوپاسی سه‌رکۆماری فه‌ڕه‌نسا، ئێمانوێل ماکرۆن و هاوکات لی مایه‌ری کرد به‌ھۆی پشتیوانییان له‌ تورکیا.

ھه‌ر دوو وه‌زیره‌که‌ ڕێککه‌وتن له‌سه‌ر ئه‌وه‌ی له‌ ٢٧ی ئابی داھاتوودا له‌ شاری پاریسی پایته‌ختی فه‌ڕه‌نسا کۆ ببنه‌وه‌.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103