بەپێی هەواڵی کوردپرێس، لەمبارەوە بەرپرسی كۆمیتەی یەکێتی لەكفری بە ئێن ئاڕ تی راگەیاندووە "لە هێرشى هێزە چەکدارەکەدا دوو هاوڵاتى کوژراون و یەکێکى تر بریندار بوو".

ئاماژەى بەوەش کرد "چەكدارەكان كەتەقەیان كردووە جلی سەربازیان لەبەر بووە و ١٠ بۆ ١٥ كەس بوون و ریشیان درێژ بووە".

وتیشى "ئێستا ئاسایش كەوتووەتە دوایان، چەكدارەكان بەرەو ناحیەی ئاوە سپی هەڵهاتوون".

ئێن ئاڕتى ئاماژەى بەوە کرد "هێزە چەکدارەکە بازگەیێکى داناوە و تەقەیان کردووە و لەئێستاشدا تەرمى یەکێک لە کوژراوەکان گەیشتووتە نەخۆشخانەى کەلار".