به‌پێی هه‌واڵی کوردپرێس، ئێواره‌ی ڕۆژی سێشه‌ممه‌ 7ی ئابی 2018 مه‌حموود محه‌مه‌د ئه‌ندامی مه‌كته‌بی سیاسیی پارتی پێشوازی له‌ سه‌عدی ئه‌حمه‌د پیره‌ ئه‌ندامی مه‌كته‌بی سیاسیی یه‌کێتی كرد.

له‌ دانیشتنێكدا كه‌ تایبه‌ت بوو به‌ ئاماده‌كردنی ڕه‌شنووسی پڕۆژه‌ی هاوبه‌شی نێوان یه‌كێتی و پارتی بۆ دانووستان له‌گه‌ڵ هێزه‌ سیاسییه‌ عێراقییه‌كان به‌مه‌به‌ستی پێكهێنانی كابینه‌ی نوێی حكوومه‌تی عێراق، گفتوگۆ و ڕاگۆڕینه‌وه‌ی پێویست له‌لایه‌ن هه‌ردوولا به‌ ئاراسته‌ی ئاماده‌كردنی وه‌ره‌قه‌یێکی هاوبه‌شی نیشتمانی کرا كه‌ تێیدا به‌ده‌ستهێنان و داكۆكی كردن له‌ ماف و ئیستحقاقه‌ نه‌ته‌وه‌یی و نیشتمانییه‌كانی كوردستانیان ئه‌وله‌وییه‌تی به‌شدارییان بێت و هاوكات پره‌نسیپه‌كانی شه‌راكه‌ت و ته‌وافق و ته‌وازون بنه‌مای پێكهێنانی كابینه‌‌ی نوێی حكوومه‌تی عێراق بێت.

سه‌رچاوه‌: Kurdistan TV

کۆدی هه‌واڵنێر: 60103