کوردپرێس:
موقتەدا سەدر رێبەری ڕەوتی سەدر ڕۆژی هەینی 27ی تەمووز لە تویتێکیدا داوای لە سیاسەتمەداران و بەرپرسە حوکوومییەکان کردووە کە دەست لە گەندەڵی هەڵبگرن و چاکسازی بکەن.
موقتەدا سەدر لە تویتەکەیدا ڕایگەیاندووە "لەدوای گەندەڵییەوە ستەمتان کرد و پاشان سەرکوتکردن و گازی فرمێسکڕێژ و لێدان لە خۆپیشاندەران، ئەنجامەکەشی کوژراو و بریندار و زیندانی لێکەوتەوە".
سەدر ئاماژەی بەوە کردووە ئەگەر سیاسییەکان پێیان وایە بۆ لای عەلی دەگەڕێنەوە یان حسێن، نە عەلی، نە حسێن تەنانەت عومەریش شەفاعەتیان بۆ ناکات.
هەروەها سەدر داوای لە بەرپرسان کردووە چاکسازی لە بەڕێوەبردنی وڵات بکەن و دەستبەرداری "سەرکوتکردنی خۆپیشاندەران" بن.
Your Comment