بەپێی هەواڵی کوردپرێس، نیهاد محەمەد، گوتەبێژی پۆلیسی دیالە، بە باسنیووزی ڕاگەیاندووە: "ئێوارەی دوێنێ دووشەممە 21/6/2021، هێزێكی ئەمنی لە ناوچەی بابلانی سەر بە قەزای شارەبان، فەرماندەیێکی باڵای چەكدارانی داعشیان كوشت".

ناوبراو گوتیشی: "ئەو فەرماندەیەی داعش ناوسراوە بە ئەبوو بالنجەر كە فەرماندەیی گرووپە چەكدارەكانی داعشی لەو ناوچەیە کردووە".

ئەو فەرماندەیەی داعش لە بەشێكی زۆری ناوچە كوردستانییەكانی دیالە سەرپەرشتیی گرووپە چەكدارەكانی داعشی دەكرد کە سەرەنجام لەو چالاكییەكدا كوژراوە.

کۆدی هەواڵنێر: 60113