بەپێی هەواڵی کوردپرێس، محەممەد میرزایی له دانیشتنێکی ئەنجومەنی نوێنەرانی ئێراندا وەزیری ڕێگەوبانی ئاگادرا کردەوە و وتی: سەرەڕای بەدواداچوونەکانی پێشوو تا ئێستاش ڕێگاکانی شاین دژ-تێکاب، شایندژ -میاندواو، شایندژ-بۆکان و تیکاب-زەنجان بۆنی خوێنیان لێدێ.

میرزایی له درێژەدا گوتی : شارستانی ئێمە له بەشی خزمەتگوزاریی ڕێگای گوندەکاندا پلەی ۱۸ی له ۲۰ پلە هەیە و ڕێکخراوەی ڕێگاوبان هێچ هەوڵێک لەمبارەوە نادات.

نوێنەرەی خولی دوازدە لە پەرلەمانی ئێران له درێژەدا ڕەخنەی له ئاوڕنەدانەوە لە ژێرخانەکانی پارێزگاکەی گرت لەم خولەی پەرلەماندا و وتی: ئەمەش لە حاڵێکدایە شارستانی تیکاب سەرچاوەی سرووشتی تێدایە و ساڵی ڕابردوو ۹۰۰ ملیار تمەنی بۆ کانگاکان خەرج کردووە. بەگوێرەی بڕگەی ۶ی مادەی ۱۴ی یاسای کانگاکان دەبێت ۱۵ لەسەدی داهاتەکەی بگەڕێندرێتەوە بۆ ئەو شارەی کانگاکەی تێدایە کە تا ئێستا هەنگاوێک لەمبارەوە هەڵنەگیراوە.