بەپێی هەواڵی کوردپرێس، دەوڵەتی یاسا له ڕوونكردنه‌وه‌یێكدا له‌باره‌ی ده‌نگۆكان په‌یوه‌ست به دروست كردنی هێزی چه‌كدار له‌لایه‌ن نووری مالیكییه‌وه، ڕایگه‌یاندووه، "نووری مالیكی له ماوه‌ی ڕابردوودا به‌شداری كردووه له پێكهێنان و پڕچەک کردنی هێزی فه‌رمی وڵاته‌كه و جارێكی دیكه‌ش جه‌خت له پشتیوانی لە دامەزراوە ئەمنییەکانی دەوڵەت ده‌كه‌ینه‌وه، كه گەرەنتین بۆ پاراستنی یەکێتی وڵات و ئاسایشی گه‌لی عێراق".
ئاماژه‌ی به‌وه‌ش كردووه، باوەڕیان بە دەوڵەتێکی بەهێز و بەتوانا هەیە، جەختیشی لەوە کردەوە، "ئەگەر بمانوویستایە گرووپی چەکداری پێکبهێنین، پشتیوانیی هێزە ئەمنییەکانمان نەدەکرد و قۆناغەکانی ڕابردووشمان نه‌ده‌قۆسته‌وه بۆ دروست كردنی هێزی ده‌وڵه‌ت".
ئه‌و ڕوونكردنه‌وه‌یه له‌كاتێكدایه كه پێشتر ڕۆژنامه‌ی ئەلئەخبار-ی لوبنانی له سه‌ر زاری سەرچاوە عێراقییەکانه‌وه بڵاویكرده‌وه، نووری مالیکی سەرۆکی هاوپەیمانی دەوڵەتی یاسا به بیانووی پاراستنی وڵات لە هەر مەترسییێکی داهاتوو گرووپێکی چەکداریی بە ناوی "ڕۆڵەکانی دەوڵەت" پێكده‌هێنێت.
Your Comment