بەپێی هەواڵی کوردپرێس، ڕوانگه‌ی سووری بۆ مافه‌کانی مرۆڤ ئاشکرای کردووە بنکەیه‌کی ئەمریکا لە کێڵگەی گازی کۆنیکۆ، لە ناوچەی عه‌زبه‌ لە باکووری دێرەزور، به‌ چه‌ند هاژه‌کێک و فڕۆکه‌ی بێفڕۆکه‌وان کرایه‌ ئامانج.

سه‌رچاوه‌که‌ ئاماژه‌ی به‌وه‌ش کرد، ده‌نگی تەقینەوەیەکی به‌هێز لەناو بنکەکەدا بیستراوە، ئه‌وه‌ش به‌هۆی خسته‌خواره‌وه‌ی درۆن و هاژه‌که‌کان له‌لایه‌ن سیستمی به‌رگری هێزه‌کانی ئه‌مریکا له‌ ناوچه‌که‌.

به‌گوێره‌ی ڕوانگه‌ی سووری بۆ مافه‌کانی مرۆڤ، تائێستا هیچ لایه‌نێک به‌رپرسیارێتی هێرشه‌که‌ی له‌ ئه‌ستۆ نه‌گرتووه‌.