بەپێی هەواڵی کوردپرێس، له‌ كاتژمێر ٦:٠٠ی به‌یانی ئه‌مڕۆ هه‌ینی ١٥ی كانوونی یه‌كه‌می ٢٠٢٣ بێده‌نگی ڕاگه‌یاندن بۆ هەڵبژاردنی ئەنجوومەنی پارێزگاکانی عێراق چووه‌ بواری جێبه‌جێ­كردن، هاوكات سبه‌ینێ شه‌ممه‌ پڕۆسه‌ی هه‌ڵبژاردنی تایبه‌ت به‌ڕێوه‌ده‌چێت.

پێشتریش كۆمیسیۆنی ڕاگه‌یاندن و گه‌یاندنی عێراق داوای له‌ دامه‌زراوه‌ و ده‌زگا میدیاییه‌كان کرد، لەو وادەیەدا هیچ بابەتێکی ڕاگەیاندن کە لە دژی بەربژێران بێت بڵاو نەکەنەوە.

بڕیارە ڕۆژی دووشەممە ١٨ی کانوونی یەکەمی ٢٠٢٣ هەڵبژاردنی ئەنجوومەنی پارێزگاکانی عێراق بێجگە لە هەرێمی کوردستان بەڕێوەبچێت، هەروەها ڕۆژی شەممە ١٦ی کانوونی یەکەمی ٢٠٢٣ دەنگدانی تایبەت بۆ هێزە ئەمنی و سەربازییەکان ئەنجام دەدرێت.

بۆ هەڵبژاردنی ئەنجوومەنی پارێزگاکان ٢٣ ملیۆن و ٣٦٨ هەزار کەس مافی دەنگدانیان هەیە، هاوکات پێنج هەزار و ٩١٥ کاندید کێبڕکێ لەسەر ٢٧٥ کورسی بۆ ئەنجوومەنی ١٥ پارێزگای عێراق بە کەرکووک و نەینەواوە دەکەن کە ٧٥ یان کۆتای ژنانن و ١٠ کۆتاى دیکە بۆ پێکهاتەکانن.