بەپێی هەواڵی کوردپرێس، لە کۆتایی مانگی تشرینی دووەمی ڕابردوودا، نووسینگەی سیناتۆرێکی کۆمارییەکان ڕاند پاوڵ، لە ویلایەتی کێنتاکی، ڕایگەیاندبوو کە ڕەشنووسێکی یاسایەکی پێشکەش کردووە، کە داوای کشانەوەی هێزە ئەمریکییەکان دەکات لە سووریا.

ئەنجومەنی پیران بە ۸۴ دەنگی نەخێر دەنگی دا و ۱۳ دەنگیش پشتگیریان لە داواکە کرد.

شایانی باسە نزیکەی ۹۰۰ سەربازی ئەمریکی لە سووریا بوونیان هەیە، کە ئەرکێکی هاوبەشیان لەگەڵ هێزەکانی سووریای دیموکراتدا پێسپێراوە بۆ بەرەنگاربوونەوەی داعش.