بەپێی هەواڵی کوردپرێس،  ناسر کەنعانی، گوتەبێژی وەزارەتی دەرەوەی ئێران ئەمڕۆ دووشەممە ۱۸-۰۹-۲۰۲۳ لە کۆنفرانسی رۆژنامەڤانیی هەفتانەی خۆیدا لە تاران لەبارەی حیزبە دژبەرەکانی ئێران لەنێو خاکی هەرێمی کوردستان قسەی کرد و گوتی، هەبوونی ئەو هێزانە لە هەرێمی کوردستان "پێچەوانەی ئاسایشی سنووریی نێوان هەردوو وڵاتە."

 گوتەبێژی وەزارەتی دەرەوەی ئێران گوتیشی ئیبراهیم رەئیسی، سەرۆککۆماری ئێران لە کۆبوونەوەکانیدا لەگەڵ لایەنی عێراقی ئاماژەی بەوە کردووە کە: "کۆماری ئیسلامی بوونی ئەو هێزانە قبووڵ ناکات".

ناسر کەنعانی گوتیشی: حکوومەتی عێراق رایگەیاندووە کە پابەندی رێککەوتنی ئەمنیی نێوان هەردوو وڵاتە و تارانیش چاوەڕێی جێبەجێ‌کردنی دەکات.