بەپێی هەواڵی کوردپرێس، ئاژانسی ‌شارپرێس بڵاوی کردەوە: "ئەنجومەنی وەزیرانی عێراق له ‌کۆبوونه‌وه‌ى ئه‌مڕۆیدا، ڕەزامەندیى نیشاندا لەسەر پێدانی 700 ملیار دینار بەشێوەی قەرز بەهەرێمی کوردستان".

ڕەزامەندی ناردنی ئەو بڕە پارەیە بۆ هەرێمی کوردستان دوای ئەوەدێت وه‌فدێکى باڵای هەرێمی کوردستان بەسەرۆکایەتی مەسروور بارزانی سەرۆکی حکوومەت سەردانی شاری بەغدای کرد و ژمارەیەک کۆبوونەوەی لەگەڵ بەرپرسانی حزبی ‌و حکوومیی بەغدا ئەنجام دا و داوای لێکردن کۆدەنگ‌بن لەسەر ناردنی پارە بۆ مووچەی هەرێمی کوردستان.