بەپێی هەواڵی کوردپرێس، بەگوێرەی راگەیەندراوێکی نووسینگەی بەرهەم ساڵح، ناوبراو لە بەغدا پێشوازیی کرد لە محەمەد شیاع سوودانی سەرۆک وەزیرانی عێراق و لەبارەی هەلومەرجی سیاسی و دۆخی گشتی وڵات گفتوگۆیان کرد.
لە دیدارەکەدا باس لە هەنگاوەکانی حکوومەت کرا بەئاڕاستەی پێشکەش‌کردنی خزمەتگوزارییە گشتییەکان و خزمەت‌کردنی هاوڵاتیان لەسەرتاسەری عێراق بێ جیاوازی.
هەر لە دیدارەکەدا دووپات‌کرایەوە لە پێویستی چارەسەرکردنی ریشەیی کێشەکان لەسەر بنەمای دەستوور و یاسا و بەرقەرار کردنی ئاسایش و ئارامی وڵات و پاراستنی پەرژەوەندی هاوڵاتیان.
Your Comment