بەپێی هەواڵی کوردپرێس، دەمیرتاش له ‌تویتێكدا نووسیویه‌تی‌: "سڵاو ھاوڕێیان... تەنھا بەوە مەوەستن لە سۆشیال میدیاوە چالاکییەکانی ھەڵبژاردن ئەنجام بدەن، لە سۆشیال میدیاوە ناتوانن قەناعەت بە ھیچ کەسێک بکەن، ھەتا 14ی ئایار ماڵ بە ماڵ‌ و گوند بە گوند بگەڕێن، سەردانیان بکەن، تەوقەیان لەگەڵ بکەن ‌و لە ئامێزیان بگرن".

دەمیرتاش ده‌شڵێت: "بەتایبەت خوێندکارانی زانکۆ پێویستە ئەم ھەفتەیە بە چڕوپری کار بکەن... یه‌ڵڵا گەنجینە، با لە خولی یەکەمدا کۆتایی پێبھێنین".".

بڕیاروایه‌ 14ی ئەم مانگە هەڵبژاردنی پەرلەمان‌ و سەرۆک­کۆماریی تورکیا بەڕێوە بچێت ‌و ڕەجەب تەیب ئەردۆغان ‌و کەمال کڵچدارئۆغڵو ڕکابەری سەرەکی هه‌ڵبژاردنه‌كه‌ن بۆ پۆستی سەرۆک کۆماری تورکیا.