کوردپرێس:

ڕۆژی چوارشەمە 21ی تشرینی یەکەمی 2020 دکتۆر جوان مستەفا، هاوسەرۆکی دەستەی تەندروستیی ئیدارەی خۆبەڕێوەبەریی باکوور و رۆژهەڵاتی سووریا رایگەیاند: لە ماوەی شەو و ڕۆژی ڕابردوودا 8 هاووڵاتیی دیکەی کوردستانی سووریا بە کۆرۆنا گیانیان لە دەست داوە بەوەش کۆی ئەو کەسانەی تا ئەم کاتە بە کۆرۆنا مردوون گەیشتە 103 کەس.

ناوبراو زیادی کرد: ئەو کەسانەى گیانیان لەدەست داوە شەش پیاو و دوو ژنن لە حەسەکە و قامشلۆ و دێرک و کامپى هۆل.

هاوسەرۆکی دەستەی تەندروستیی ئیدارەی خۆسەر ئەوەشی ڕاگەیاند: 153 حاڵەتی نوێی تووشبوون بە کۆرۆناش تۆمار کراوە و تووشبووەکانیش 91 کەس لە رەگەزی نێر و 62 کەسیان لە رەگەزی مێ-ن، زۆرترین توشبوش لە حەسەکە، دێرک، کرکى لەکى.

هاوسەرۆکی دەستەی تەندروستی ڕوونیشی کردەوە کە لە 24 سەعاتی رابردوشدا 11 حاڵەتی چاکبونەوە لە کۆرۆنا تۆمار کراوە.

ئاماری گشتیی کۆرۆنا لە رۆژئاوای کوردستان:

تووشبووان: 3251

چاک بوونەوە: 646

گیان لەدەستدان: 103