بەپێی هەواڵی کوردپرێس، رێبوار بابکەیی، سەرۆکی لیژنەی پەیوەندییەکان و رەوەندی هەرێمی کوردستان بە رووداوی راگەیاندووە، بڕیارە 20-10-2020 لیژنەکەیان لە پەرلەمانی کوردستان کۆ ببێتەوە و راپۆرتێکی تایبەت بە کۆچی هاونیشتمانیان بدەنە دەستەی سەرۆکایەتیی پەرلەمانی کوردستان.

لیژنەی پەیوەندییەکان و رەوەندی کوردستان لە کۆبوونەوەکەیان داوا دەکەن کۆبوونەوەیێکی پەرلەمانی کوردستان لەسەر پرسی کۆچ کردنی هاونیشتمانیان رێکبخرێت.

رێبوار بابکەیی لەبارەی داواکارییەکانیان لە سەرۆکایەتیی پەرلەمان دەڵێت، داوا دەکەن لەبەرامبەر ئەو پرسەدا میوانداریی وەزیری وەرزش و لاوان و وەزیری کار و کاروباری کۆمەڵایەتی بکرێت.

لە راپۆرتەکەیاندا کە بڕیارە پێشکەشی سەرۆکایەتیی پەرلەمانی بکەن، هۆکارەکانی کۆچی هاونیشتمانیان و چەند راسپاردەیەکیان وەکوو چارەسەری ئەو پرسە خستووەتەڕوو. هەروەها لە راپۆرتەکەدا هاتووە، رێژەی بێکاری لە هەرێمی کوردستان 9٪ـە، و بەردەوام لە هەڵکشاندایە.

کۆدی هەواڵنێر: 60113