بەپێی هەواڵی کوردپرێس، جوان مسته‌فا هاوسه‌رۆکی ده‌سته‌ی ته‌ندروستی باکوور و خۆرهه‌ڵاتی سووریا ڕایگه‌یاند که‌ دوو که‌س به ‌ڤایرۆسی کۆرۆنا گیانیان له‌ده‌ست داوه‌ کە که‌سێک له‌ کۆبانێ و که‌سێکی تر له ‌قامیشلۆ به‌ڤایرۆسی کۆرۆنا گیانیان له‌ده‌ست داوه‌.

ئاماژەى بەوەش کردووە، له‌و 24 کاتژمێره‌دا 96 حاڵه‌تی نوێ تۆمار کراون که‌ 46 له‌ ڕه‌گه‌زی نێرن 50 له ‌ڕه‌گه‌زی مێن، هاوکات 7 که‌س ڤایرۆسه‌که‌یان تێپه‌ڕاندووه‌ و باش بوونەتەوە.‌

بەگشتی به‌تۆمار کردنی ئه‌م ژماره‌یه‌ ژماره‌ی تووشبووان گه‌یشته‌ 2948 که‌س له‌و ژماره‌یه‌ش 95 که‌س گیانیان له‌ده‌ست داوه‌ و 630 که‌س ڤایرۆسه‌که‌یان تێپه‌ڕاندووه‌.

کۆدی هەواڵنێر: 60113