کوردپرێس:
ڕۆژی چوارشەمە 14ی تشرینی یەکەمی 2020 جوان مستەفا هاوسەرۆکی دەستەى تەندروستیی بەڕێوەبەریی خۆبەڕێوەبەری باکوور و رۆژهەڵاتی سووریا ڕایگەیاند،دوو کەسی تر بەهۆی ڤایرۆسی کۆرۆناوە گیانیان لە دەستداوە. هەر دوو کەسەکە پیاو بوون و یەکێکیان خەڵکی حەسەکە بووە و ئەوی تریشیان خەڵکی گرکێ لەگێ بووە.
جوان مستەفا ئاماژەى بەوەش کردووە لەماوەى ٢٤ کاتژمێرى رابردوودا ٣٧ کەسی تریش تووشی ڤایرۆسی کۆرۆنا بوون.
بەپێی دوایین ئامار، ژمارەی تووشبووان بە نەخۆشیی کۆرۆنا لە باکوور و رۆژهەڵاتی سووریا گەیشتوەتە هەزار و ٣٥١ کەس و ٧٩ کەسیان گیانیان لە دەست داوە و ٥٧١ کەسیشیان چاک بوونەتەوە.
Your Comment