کوردپرێس: ماڵپەڕی فەرمیی پارتی دیموکراتی کوردستان بڵاوی کردەوە ئێوارەی ڕۆژی هەینی 9ـی تشرینی یەکەمی 2020 لە پەیوەندییەکی تەلەفۆنیی نێوان مەسعوود بارزانی و مستەفا کازمی سەرۆک وەزیرانی عێراقدا ڕێککەوتنی نێوان حکوومەتی عێراقی فیدڕاڵ و حکوومەتی هەرێمی کوردستان لەمەڕ ئاسایی کردنەوەی بارودۆخی شنگال تاوتوێ کرا.

هەر لەو پەیوەندییە تەلەفۆنییەدا هەردوولا خۆشحاڵیی خۆیان بۆ ئەو ڕێککەوتنە گرنگە دەربڕی و جەختیشیان لەوە کردەوە کە ڕێککەوتنی لەمشێوەیە ئاماژەیە بۆ بەهێزبوونی متمانەی نێوان حکوومەتی فیدڕاڵی عێراق و حکوومەتی هەرێمی کوردستان.

کۆدی هەواڵنێر: 60113