کوردپرێس:

ئاژانسی نیوزڤیک لە زاری بریکاری سەنتەری ئاشتیی ڕووسیا لە سووریا ڕایگەیاند هێزەکانی وڵاتەکەیان لە حەسەکە ڕێگەیان لە هێزە ئەمریکییەکان گرتووە و لە جادەی ئێم4دا هێزە ئەمریکییەکانیان گەڕاندۆتەوە.

ئەلکساندەر کارپۆف بریکاری بەڕێوەبەرایەتیی سەنتەری ئاشتیی ڕووسیا لە سووریا دەڵێت هۆکارەکە ئەوە بووە کە هێزە ئەمریکییەکان لە ناوچەی ژێردەسەڵاتی کوردی سووریا هەماهەنگییان لەگەڵ هێزە ڕووسییەکان نەکردووە.

ئاژانسسی هەواڵی تاسی ڕووسیاش ڕایگەیاند وەزارەتی بەرگریی ئەمریکا تا ئەم کاتە لەو بارەیەوە هەڵوێستی وەرنەگرتووە.