بەپێی هەواڵی کوردپرێس، گۆڤاری نەشناڵ ئینترێست-ی ئەمەریکی دۆخی ئێستای کوردانی سووریا بە بۆنەی پشتگیریی ئەمریکاوە هێور وەسف دەکات بەڵام هۆشداری دەدات کە کوردانی سووریا ژمارەیێک مەترسییان لەسەرە و بۆ هەتایە ناتوانن پشت بە ئەمریکا ببەستن.

گۆڤارەکە ئاماژەی بەم بابەتە دەکات کە کوردەکان پێشتریش هەندێک دانوستانیان لەگەڵ حکوومەتی سووریا و ڕووسیا کە هاوپەیمانیەتی ئەنجام داوە و دەنووسێت: ئەنجامی ئەم دانووستانانە ڕێککەوتنی ڕووسیا لەگەڵ تورکیا بوو بۆ ڕاگرتنی هێرشەکانی تورکیا بۆ سەر کوردەکان لە باکووری سووریا و ئامادەبوونی هێزەکانی حکوومەتی ناوەندیی وەکوو پەرژینێک لەنێوانیاندا بۆ ڕێگری کردنی لە درێژەی هێرشەکان.

نەشناڵ ئینترێست وەبیری کوردەکانی دێنێتەوە کە ئەمریکا چەندین ساڵ خۆی بەشەڕی عێراق و ڤیێتنام-ەوە گلابوو بەڵام لە کۆتاییدا ناچار هێزەکانی خۆی لەو وڵاتانە کشانەوە، بۆیەش هیچ گەرەنتییێک نییە کە هێزەکانی ئەمریکا لە باکووری سووریاش نەکشێنەوە و کوردەکان بەجێنەهێڵن.

گۆڤاری نەشناڵ ئینترێست ئاماژەی بەم باتەش داوە کە ڕووسیا، هاوپەیمانی سووریا، یەکەم وڵات بوو کە مۆڵەتی بە کوردانی سووریا دا نووسینگە لە مۆسکۆ بکەنەوە و ئەوانی ڕاسپارد کە لەو ڕێگایەوە دانوستان لەگەڵ حکوومەتی ناوەندیی سووریا دەست پێبکەن و ڕێککەوتنی هەمیشەیی لەگەڵیان بکەن.

بەبڕوای ئەم گۆڤارە، هەر چەشنە ڕێککەوتنێکی کگوردانی سووریا لەگەڵ بیانییەکان ناگاتە ڕێککەوتنێکی درێژەخایەن و جەخت دەکاتەوە بۆ کوردانی سووریا باشترین بژاردە ڕێککەوتن لەگەڵ دیمەشقە.

کۆدی هەواڵنێر: 60113