کوردپرێس:

ڕۆژی شەمە 5ی ڕەزبەری 1399 بەرانبەر بە 26ی ئەیلوولی 2020 فواد حوسێن وەزیری دەرەوەی عێراق سەردانی تارانی کرد و پاش کۆبوونەوەی لەگەڵ محەمەد جەواد زەریف، پاش نیوەڕۆی ئەمڕۆ لەگەڵ حەسەن ڕۆحانی سەرۆککۆماری ئێرانیش دیداری کرد.

سەردانەکەی فواد حوسێن وەزیری دەرەوەی عێراق بۆ تاران لە کاتێکدایە کە هەر لەم مانگەدا محەمەد جەواد زەریف وەزیری دەرەوەی ئێران سەردانی عێراقی کردبوو و بانگهێشتی فواد حوسێنی کردبوو بۆ بەسەرکردنەوەی تاران.

تا ئەم کاتەش وردەکاری تەوەری دیدارەکەی ڕۆحانی و فواد حوسێن بڵاو نەکراوەتەوە.