کوردپرێس:

ڕۆژی چوارشەمە 9ی ئەیلوولی 2020 ئاژانسی هەواڵی فۆکس نیوزی ئەمریکی ڕایگەیاند بڕیارە ئەمڕۆ دۆناڵد ترەمپی سەرۆکی ئەمریکا بە فەرمی ڕایبگەیەنێت کە ژمارەی هێزە ئەمریکییەکان لە عێراق کەم دەکاتەوە و بڕیارە ژمارەی ئەو هێزانە لە 5200 هێزەوە بۆ 3500 هێز کەم بکرێتەوە.

ئاژانسەکە زیادیشی کرد: بەرپرس و لایەنە عێراقییەکانیش لەو بڕیارەی ترەمپ ئاگادار کراونەتەوە.

ڕۆیتەرز و ژمارەیێک لە میدیا و ڕۆژنامە ئەمریکییەکان وتوویانە ئەو بڕیارەی ترەمپ بۆ کەم کردنەوەی ژمارەی هێزەکانی لە عێراق موزایەدەی سیاسی و بانگەشەی هەڵبژرادنە کە ترەمپ لە سەروبەندی هەڵبژرادنی سەرۆکایەتیی کۆماری ئەمریکا دەیکات.