کوردپرێس:

بەگوێرەی هەواڵی ئاژانسی فەرمیی سانای سووریا، شاندێکی باڵای ڕووسی بە سەرۆکایەتیی یۆری بۆریسۆف جێگری سەرۆکوەزیرانی ڕووسیا بە سەردانێکی فەرمی گەیشتە دیمەشقی پێتەختی وڵاتی سووریا و بڕیارە لەگەڵ بەرپرسانی باڵای ئەو وڵاتە دیدار و گفتوگۆ بکات.

هەر بە پێی هەواڵی ئاژانسەکە شاندە ڕووسییەکە بە فڕۆکەیێکی تایبەت گەیشتە فڕۆکەخانەی نێودوەڵەتیی سووریا و بە مەبەستی قووڵکردنەوەی پێوەندیییە دووقۆڵییەکانی نێوان ڕووسیا و سووریا لەگەڵ بەرپرسانی دەوڵەتی دیمەشق دیدار و گفتوگۆ دەکات.

بەگوێرەی زانیارییەکان میخائیل بۆگدانۆف جێگری وەزارەتی دەرەوەی ڕووسیا و ماریا زاخارۆڤا وتەبێژی وەزارەتی دەرەوەی ڕووسیاش بەشداریی شاندەکە دەکەن.