بەپێی هەواڵی کوردپرێس، "ده‌سه‌ڵاتی فڕۆکه‌وانیی تورکیا به لایه‌نی عێراقیی راگه‌یاندووه، له چوارچێوه‌ی رێکاره‌کانی رووبه‌ڕووبوونه‌وه‌ی کۆرۆنا و به‌گوێره‌ی راسپارده ته‌ندروستییه‌کانی وڵاته‌که‌یان، بڕیاریان داوه گه‌شته ئاسمانییه‌کانی نێوانیان بۆ ماوه‌ی مانگێک هه‌ڵپه‌سێرن، بۆیه عێراقیش له‌سه‌ر ئه‌م داوایه رازی بووه و بڕیاری هاوشێوه‌ی داوه".
ئه‌و ده‌نگۆیانه‌شی ره‌تکرده‌وه که باس له‌وه ده‌که‌ن، گوایا هۆکاری سیاسی له‌پشت ئه‌و بڕیاره‌یانه‌وه‌یه و روونیکرده‌وه، "جگه له رێکاره‌کانی رووبه‌ڕووبوونه‌وه‌ی کۆرۆنا هیچ هۆکارێکی دیکه له‌پشت ئه‌و بڕیاره‌ی تورکیا و عێراقه‌وه نییه".
پێشتریش ده‌سه‌ڵاتی فڕۆکه‌وانی تورکی له‌سه‌ر راسپارده‌ی وه‌زاره‌تی ته‌ندروستی وڵاته‌که‌یان بڕیاری دابوو، گه‌شته ئاسمانییه‌کانیان له‌گه‌ڵ عێراق تا 1ی ئه‌یلوول رابگرن، به‌ڵام دواتر بۆ ماوه‌ی مانگێکی دیکه درێژکرایه‌وه و تا 1ی مانگی ئۆکتۆبه‌ر کار به بڕیاره‌که ده‌کرێت.
کۆدی هەواڵنێر: 60113
Your Comment