بەپێی هەواڵی کوردپرێس، ئاژانسی سانا کە میدیای فه‌رمیی حکوومه‌تی سووریایە ئاماژه‌ی به‌وه کردووه، کاروانه سه‌ربازیه‌که‌ی ئه‌مریکا له 50 ئۆتۆمبێل پێکهاتووه و چه‌ک و که‌ره‌سته‌ی لۆجستی گواستوه‌ته‌وه.
هەروەها ئاژانسەکە ئاماژه‌ی به‌وه‌ش کردووه، ژماره‌یێک تانکه‌ری سووته‌مه‌نی و بارهه‌ڵگریش له کاروانه سه‌ربازیه‌که‌دا بوون.
ئه‌و کاروانه سه‌ربازیه له ده‌روازه‌ی ئه‌وه‌لیده‌وه چووه‌ته ناو خاکی سووریا و به‌ره‌و بنکه‌سه‌ربازیه‌کانی ئه‌مریکا له ده‌وروبه‌ری حه‌سه‌که رۆیشتووه.
ئه‌مریکا سه‌رباری ئه‌وه‌ی ساڵی رابردوو به‌شێکی زۆری هێزه‌کانی له کوردستانی سووریا کشانده‌وه و به‌وه‌ش رێگه‌ی بۆ ده‌ستبه‌سه‌رداگرتنی ناوچه‌کانی سه‌رێکانی و گرێ سپی له‌لایه‌ن تورکیاوه خۆشکرد، به‌ڵام دواتر به‌شێک له هێزه‌کانی بۆ پارێزگاری له بیره نه‌وته‌کان هێشته‌وه.
کۆدی هەواڵنێر: 60113
Your Comment