کوردپرێس:
ئایهان ئێرەن شارەوانی شاری کۆزلۆک و فورات کارا بۆلۆت شارەوانی شاری بەکرخان لە پارێزگای باتمان لە هەڵبژاردنەکانی 31ی مارچی 2019 لە پشکی پارتی دیموکراتیکی گەلان وەک شارەوانی ئەو دوو شارە هەڵبژێردرابوون و هەردوو شارەوانەکە کشانەوەیان لە هەدەپە ڕاگەیاند و بوون بە ئەندامی پارتی دەسەڵاتداری دادوگەشەپێدان (AKP).
ئاژانسی هابەر گلۆباڵی تورکیا ڕایگەیاند ئەرێن و کارا بۆلۆت لە ڕێوڕەسمێکی فەرمیدا بە بەشداریی ئاکیف گۆر سەرۆکی ئەنجومەنی ناوەندیی ئاکەپە بە فەرمی بوون بە ئەندامی ئەو پارتە.
سەرۆکی ئەنجومەنی ناوەندیی ئاکەپە لەبارەی ئەو بڕیارەی سەرۆک شارەوانییەکانەوە وتوویەتی: "ئەو دوو شارەوانەی لە هەدەپە جیا بوونەتەوە لەو قەناعەتەدان کە سیاسەتەکانی هەدەپە دژی خەڵکی ناوچەکەیانە. شارەوانیی HDP شارەوانیی خزمەتگوزاری نیە.
Your Comment