کوردپرێس: ڕێباز مەجید هەواڵنێری دەنگی ئەمریکا لە عێراق لە زاری سەرچاوەیێکەوە کە ناوی نەدرکاندووە و لە بەرپرسانی پەکەکە-یە دەڵێت: شاندێکی ئەمریکی لە ڕانیەوە سەردانی قەندیلیان کردووە و فڕۆکە شەڕکەرەکانی ئەمریکایش چاودێڕیی کردوون.
لەدرێژەی پەیامەکەیدا ڕێباز مەجید دەنووسێتک ئەمریکا داوای لە سەرکردەکانی پەکەکە کردووە کۆتایی بە دەستوەردان لە سووریا بێنن و لەبەرامبەردا ئەمریکا پشتیوانی لە بەڕێوەبەرایەتیی خۆسەر دەکات.
ناوبراو زیادی کردووە شاندی ئەمریکی پڕۆژەیێکی ئاشتی، هاوشێوەی ڕێککەوتنی ئاشتی لەگەڵ تالیبان-یان پێشنیار کردووە، بەڵام ڕوون نییە ئامانج لەو ڕێککەوتنە ئاشتیی نێوان تورکیا و پەکەکە-یە یان نێوان تورکیا و کوردستانی سووریا.
شایانی باسە ئەمریکا پەکەکە-ی وەکوو گرووپێکی تیرۆریستی ناساندووە.
هێشتا سەرچاوە فەرمییەکان ڕاستی و دروستیی ئەم هەواڵەیان پشتڕاست نەکردووەتەوە.
کۆدی هەواڵنێر: 60113
Your Comment