کوردپرێس:

ڕۆژی چوارشەمە 31ی پووشپەڕی 1399 مستەفا کازمی سەرکوەزیرانی ئێران کە بە یاوەریی شاندێکی باڵای عێراقی لە تارانە لەگەڵ محەمەد باقر قاڵیباف سەرۆکی ئەنجومەنی نوێنەرانی ئێران دیدار و گفتوگۆی کرد.

کازمی پێشنیوەڕۆی ئەمڕۆ گەیشتە پەرلەمانی ئێران و لەگەڵ سەرۆکی پەرلەمان و دەستەی سەرۆکایەتی کۆ بوویەوە.

تا ئەم کاتە هەواڵێکی ورد لەبارەی تەوەری دیدارەکەی نێوان قاڵیباف و کازمی بڵاو نەکراوەتەوە.

شایانی باسە مستەفا کازمی سەرۆکوەزیرانی عێراق ڕۆژی سێشەمە 30ی پووشپەڕ بەرانبەر بە 21ی تەمووزی 2020 گەیشتە تارانی پێتەختی ئێران و لە لایەن حەسەن ڕۆحانی سەرۆککوماری ئێرانەوە پێشوازیی لێکرا و پاش دیدار لەگەڵ سەرۆککۆمار و ڕێبەری باڵای ئێران ئێستاش لەگەڵ سەرۆکی پەرلەمان کۆ بووەتەوە.