کوردپرێس:

بەپێی راگەیێنراوی ڕۆژی سێشەمە 7ی تەمووزی 2020ی وەزارەتی تەندروستیی هەرێمی کوردستان لەبارەی ژمارەی تووشبوون و گیانلەدەستدان بە کۆرۆنا لە 24 کاژێری رابردوو هاتووە، دوو هەزار و 334 پشکنینی کۆرۆنا ئەنجامدراون کە زۆرترینیان لە هەولێر بوون و 770 پشکنین بوونە، دوای ئەویش سلێمانی و دهۆک دێن.

ئەو 495 کەسەی تووشی ڤایرۆسەکە بوون بەمشێوەیە بەسەر پارێزگا و ناوچەکاندا دابەشبوون:

هەولێر: 186 تووشبوو

سلێمانی: 177 تووشبوو

گەرمیان: 59 تووشبوو

راپەڕین: 39 تووشبوو

دهۆک: 25 تووشبوو

هەڵەبجە: نۆ تووشبوو

هاوکات 79 تووشبووی کۆرۆنا چاکبوونەتەوە کە 65 کەسیان لە هەولێرن، شەش کەسیان لە گەرمیانن، چوار کەسیان لە دهۆک و چوار کەسی دیکەیشیان لە هەڵەبجەن.

لە 24 کاژێری رابردوو هەشت تووشبووی کۆرۆنا گیانیان لەدەستداوە کە پێنج تووشبوویان لە سلێمانین، دوو تووشبوویان لە گەرمیانن و یەک تووشبوویشیان لە هەولێرە.

هەر لە 24 کاژێری رابردوو 869 کەس لە 20 شوێنی جیاواز کەرەنتین کراون کە 481 کەسیان لە دهۆک بوون، 206 کەس لە سلێمانی و 182 کەسیش لە هەولێر.

بەپێی ئامارەکانی وەزارەتی تەندروستیی هەرێمی کوردستان، ئێستا هەشت هەزار و 134 تووشبووی کۆرۆنا لە هەرێمی کوردستان تۆمارکراون کە دوو هەزار و 868 کەسیان چاکبوونەتەوە و ژمارەی گیانلەدەستدانیش گەیشتووەتە 271 کەس.